ඇය... තවම අතරමග

 

ඇය ජීවත් වෙන්නෙ භීතියකින්...

හිමි යමක් අහිමි වෙතැයි,

සාධාරණ භීතියකින්...

හිමිවුණ සෑම දේ,

පෙන බුබුලක් මෙන්,

ඇස්පණා පිටම...

පිපිරී අහිමි වෙලා ගිය,

සෑම ප්‍රාණියෙකුටම...

ඊළඟට ඇතිවෙන්නෙ...

ඉතිරිවෙන්නෙ...

අන්න ඒ කියන,

අහිමිවීමේ භීතිය...

භීතියෙන් ඇද බැඳ සිර කර,

ප්‍රේමයේ වෙස්වලාගත්,

'තණ්හාව' තමා...

ඇයට, ඔබට,මට...

දික්ගැස්සුවේ...

ස ස ර...

ඉදින්...

නුඹ,

භීතියකින් රකින යමක් වේ නම්...

නුඹ තවම...

සසර...

අ ත ර ම ග ය...

ඇය...

අතරමගය...

, Nayumi Ranaweera and 4 others

නුවර සීතලයි !!!

නුවර කියන්නෙ

සුන්දර පෙදෙස් රැසකට

පාර කියන මූලස්ථානයක්...

කිසිම සැලසුමක් නැතුව

හිතුණ හිතුණ වෙලාවට

ආරම්භ කල ගමන් වල

ලස්සන මතක සටහන්

කොයි තරම් නම් තියෙනවද???

මේ හැම පින්තූරෙකම ඒ සීතල තියෙනවා...

ඒ කොල පාට කඳු...

ඒ මීදුම අස්සෙන් පේන නිල් අහස...

නිල් කැටියට ගලන වතුර...

මේවා අපේ ජීවිත...

ආය ආය ජීවත් කරවනවා...

ඔව් නුවර සීතලයි

කොයි තරම් උණුසුම් තැනකදි වුණත්...

නුවර මතක් වෙද්දි...

සීතලයි

~ විලෝචනා ~ 

එකමුතුව !!!

 

එකම කොටුවක් ඇතුලෙ

අපි සුදු කලු කියලා බෙදුවා...

උස මිටි කියලා බෙදුවා...

දක්ෂ දුර්වල කියලා බෙදුවා...

ලස්සන කැත කියලා බෙදුවා...

දිණුව පැරදුව කියලා බෙදුවා...

දුප්පත් පොහොසත් කියලා බෙදුවා...

ගෑණු පිරිමි කියලා බෙදුවා...

බෙදන්න පුලුවන් හැම විදිහටම

තවත් දාස් විදිවලින්...

අපිව බෙදලා බෙදලා දෙබෑ කරලා

කියනවා...

උඹලට හරි ගියාට පස්සෙ

නෑනෙ කිසි

එකමුතුවක් කියලා ...

කි ය න් න පෙර !!!

 

යමක් ... කි ය න් න

ඒ දෙය සොයා බැලූ පසු සත්‍ය දෙයක් නම්...

ඒ දෙය කෙනෙක්ට හානි දායක නොවන කරුණාබර දෙයක් නම්...

ඒ දෙය කියන කෙනාටත් අහන කෙනාටත් ප්‍රයෝජනවත් දෙයක් නම්...

ප ම ණ ක්

" මාර ගස යට මිනිසා නික්ම ගොසින් ..."

"RIP Maara Man "

මහනුවර බේක් හවුස් කිට්ටුව බෙවිස් නමින් හැඳින්වූ විසල් මාර ගසක් තිබුණා. නිතර දෙවේලේ ඒ ගස ළඟින් එහා මෙහා යන අයෙකුට ඒ ගසට නම දුන්න මේ මිනිසාව දැකගන්න ලැබිලා ඇති.

බැලූ බැල්මට ඔහු ගැන නොදන්න අයෙක්ට ඔහේ ඉන්න දුගී මනුස්සයෙක් කියලා හිතිලා ඇති. නොදැන මටත් එහෙම හිතිලා තියෙනවා. දවසක් මම ඉස්කෝලෙ යන කාලෙ අම්මි එක්ක සිරි රම්‍යා හෝටලේ ඉද්දි ඔහුත් කිහිලි කරු වලට වාරු දී සෙමින් ඇතුලට විත් මේසයක් අසල පුටුවකින් වාඩි වුණා. මෙන්න මේ මනුස්සය හදිසියේ එතනට ආව විදේශිකයෙක් සමග හරි හරියට ඉංග්‍රීසියෙන් කතා කරන්න ගත්තා. මෙන්න තව ටිකකින් Tab එකක් එළියට අරන් අර විදේශිකයට මොනාදෝ පෙන්නනවා පුංචි මාත් පුදුමයෙන් බලන් හිටියා. මම හිතං හිටියට වඩා මේ මිනිසාගේ කතාව වෙනස් බව තේරුණා.

මේ මිනිසා ගැන පසුව මට හොඳටම විස්තර දැනගන්න ලැබුණේ දිනක් මට Facebook එකට ඔහුගෙන් ලැබුණ Friend Request එකත් එක්කයි ඔහුගේ මුහුණු පොතේ මම දැක්කා ඔහුගේ සංගීත හැකියාවන්. මමත් බැරි බැරි ගාතෙ ගිටාර් ගහ ගහ සින්ඳු කියන VDO වලට අනතිමානීව ප්‍රතිචාර දක්වන්න, සුභ පතන්න ඔහු අමතක කලේ නෑ.

ඉතිං ඔහු ගැන සියල්ල දැනගත් පසු කලක මට ඔහුව Fashion Bug එක ඉස්සරහදි මුණ ගැහුණා. හරියටම 2018 අගෝස්තු 9 දා. මම ගිහිං ඇහුවා මාව අඳුනගන්න පුලුවන්ද කියලා මොකෝ බැරි. අර ගිටාර් ගහ ගහ සින්ඳු කියාන විලෝචනා නේ පොඩි කතාබහක යෙදිලා ඔහු සමග එදා මම ගත්ත පින්තූරෙ තමා මේ.

මට මගෙ සහකරු, Vishwa S Gopallawa මුල්ම වරට මුණගැහෙන්න හරියටම දිනකට කලින් මම බොහොම සතුටු Mood එකක හිටිය වෙලාවක තමා මේ පින්තූරය ගත්තෙ. ඒ නිසා ඒ දවස මට අද අද වගේ මතකයි.

...

පෝලියෝ රෝගයට ගොදුරු වෙලා ඇවිදගන්න අපහසු වුණත් ඔහු හීන අත් නොහැරපු දක්ශයෙක්. ඔහුව බොහෝ කල් සිට දන්නා අයට ඔහු සංගිතයෙන් පමණක් නොව, බොහෝ පැති වලින් දැනුම ඇති විශ්ව විද්‍යාලයකි. දර්ශනවාදියෙකි. නිරාගමික සරළ සාමාන්‍ය මිනිසෙකි.

බෙවිස් අයියා කියලා අපි කවුරුත් අමතන ඔහු මහනුවර කිංස්වුඩ් විදුහලේ බටහිර ගායක කණ්ඩායමේ සාමාජිකයෙක්.

හවායන් ගිටාර් වාදකයෙක්. ගිටාර් වාදනය කරන අතරම හාර්මෝනිකාවත් හරි හරියට එකවර වයමින් ගීත ගයන ඔහුගේ හැකියාවන් මම දැක්කෙත් Youtube එකෙන්.

ඔහු M.G.P කලායතනයේ එස්රාජ් වාදනය ඉගෙනුම ලැබූවෙක්. පසුව එහි ආනන්ද පෙරේරා හා අශෝක පෙරේරා එක්ව ඇරඹූ සුපර් ජේම්ස් සංගීත කණ්ඩායමේ සාමාජිකයෙක්.

මහනුවර වික්ටර් හාරා සංගීත කණ්ඩායමේ පුරෝගාමී සාමාජිකයෙක්ව හිටියා.

" දෝංකාරය" ආදී වූ One Man Shows කරපු දක්ෂ කලාකරුවෙක්.

ශ්‍රී ලංකා කොමියුනිස්ට් පක්ෂයේ සාමාජිකයෙක්...

සුන්දර මතක රැසක් මහනුවර නගරයේ ඉතිරි කර ලොවින් නික්මුන දයාබර බෙවිස් මනතුංග කලාකරුවාණෙනි... ඔබට සුභ ගමන්

😍 නිර්මාංශ කෙනෙක්ට හිත පිරෙන්න කන්න බැරිද?

 

ඒකට අපිටම එක එක ක්‍රම හොයාගන්න වෙනවා. කෑම එකට ප්‍රෝටීන් වැඩි ධාන්‍ය වලින් ගෙදරදිම හදාගත්ත Vege Sausage එකක් කට්ලට් එකක් වගේ එකතු කරනවා මම නම් Youtube එකේ බලන්න දැන් ඕනම කෑමක් හදන එක එක විදි තියෙනවා.

හැමදාම එකම රසට හදන්නෙ නැතුව එක එක recipes try කරනවා. රස වගේම කෑම ඇසටත් ප්‍රිය වෙනවා නම් මම කැමතියි. ඉතිං හැකි විදිහට රස ගුණ වගේම පාටත් ගලපනවා. එතකොට Husband වුණත් කෑම කන්නෙ හරිම ආසාවෙන්. මේ photo වල තියෙන්නෙ මම එයාට හදපු කෑම

පුලුවන් නම් ගෙදරදිම සතියකට සැරයක් හරි මෙහෙම හදන්න බලන්න. කඩෙන් කනවට වඩා පිරිසිදුවට අඩු වියදමින් රසට බඩ පිරෙන්න කන්න පුලුවන්.

ඔයා ගෑණු ළමයෙක් වුණත් පිරිමි ළමයෙක් වුණත් විවාහක අවිවාහක කොහොම ඉන්න කොයි වයසෙ කෙනෙක් වුණත් ඔයාම හදාගන්න රස කෑමකට පුලුවන් ඔයාගෙ mood එක fix කරන්න. එක බතක් සම්බෝලයක් හරි ලස්සනට පිළිවෙලට හදලා කන්න බලන්න.

කෑම හදන එක වදයක් කර ගන්නෙ නැතුව කැමැත්තෙන් කරද්දි කෑමත් රස වෙනවා. හුරු වෙද්දි පැයක් හෝ ඊට අඩු කාලෙකදි කෑම වේලක් හදාගන්නත් හැකි වෙනවා. වෙනස් කඩචෝරුවක් ගෙදරම හැදුවම නිර්මාංශද කියලා නෑ රසට කන්න පුලුවන්.

+18

🌼 ඔබේ ජීවිතයේ ඔබට අවශ්‍ය සියල්ල, අපට අවශ්‍ය නොවන්නට පුලුවන්.

ඔබේ ජීවිතයේ ඔබට අවශ්‍ය සියල්ල, අපට අවශ්‍ය නොවන්නට පුලුවන්.

ඔබට අපව දැකීමට අවශ්‍ය විදිහට අප ජීවත් නොවන්නට පුලුවන්.

ඔබ ආහාර ගන්නා රටාව, විලාසිතා කරන ආකාරය, විනෝද වන රටාව, සමාජ සබඳතා පවත්වන ආකාරය, ආර්ථික කළමණාකරණය සහ පරිභෝජන රටාව, පවුල යන ඒකකය හැඩගසාගන්නා ආකාරය, වත්කම් සම්බන්ඳව කටයුතු කරන ආකාරය, ඔබේ ආගමික, සමාජයීය, දේශපාලනික මත, ඔබේ ප්‍රතිපත්ති යනාදීන්ට වඩා අපේ දෑ වෙනස් වෙන්න පුලුවන්.

අපට ඔබව වෙනස් කිරීමට අවශ්‍ය නැත. අප ඔබට බාධාවක් හෝ බරක් වන්නේද නැත.

එබැවින් කාරුණිකව, ඔබ ද අපව වෙනස් කිරීමට උත්සහ නොකරන්න

© විලෝචනා

❤️ අපෙ අම්මාට සුභ උපන් දිනයක් වේවා!

 

අම්මගෙ නම රූපි ඇත්තටම නමටම ගැලපෙන්න අම්මා හරීම ලස්සනයි තරුණ කාලෙත් බෝනික්කෙක් වගෙයි ඉඳලා තියෙන්නෙ පුතා වගේම තමයි මූණ විතරක් නෙවේ හදවතත් ලස්සනයි. හරිම අහිංසක දයාබර කරුණාවන්ත කෙනෙක්.

බැඳලා ඇවිත් මේ අවුරුදු 3 ටම මට කුස්සිය පැත්තෙ වැඩිය ගැවසෙන්න දුන්නෙ නෑ අම්මා එහෙට මෙහෙට වෙනකල් ඉඳල මම හොරෙන් මොනා හරි වැඩක් කලොත් ඇරෙන්න අම්මා නම් මට ගෙදර වැඩක් කරන්න දුන්නෙම නෑ කොච්චර ද කිව්වොත් කැම්පස් කාලෙ සේරම උයන පිහන වැඩ තනියම කරගත්තත්, ගෙවුණ පහුගිය අවුරුදු තුනේදි බත් එකට වතුර තියන හැටිත් අමතක වෙලයි තිබුණෙ ඔන්න මේ අවුරුද්දෙ මුලදිම ඒක මම වෙනස් කලා

ඉතිං අද මම අම්මගෙ උපන්දිනේට මේ කෑම වේල මගෙ අතින්ම හදලා දුන්නා අම්මා කිව්වෙ මෙච්චරයි... " එහෙනම් මටත් වාසනාව ලැබුණා දුවෙක්ගෙන් රසට කෑම වේලක් කන්න"

අම්මා හැම තිස්සෙම කියන්නෙ "විශ්ව මගෙ පුතා. ඔයා මගෙ දුව " ලේලි නම් කියන්නවත් කැමති නෑ.

රෙදි වනන්න අව්වට යන්න එපා, රස්නෙ වදියි ලිප ළඟට යන්න එපා, කකුල් කසයි මඩ පාගගන්න එපා දුව කිය කිය මාව බෝනික්කෙක් වගේ තියන්න තමයි අම්මා උත්සහ කරන්නෙ. කොටින්ම අද උයන්න කෙසෙල් කොලේ කපන්නත් අව්ව කියලා යන්න දුන්නෙ නෑ අම්මා මයි ගියේ

පුතාට වඩා මට නම් සැලකිලි වැඩියි දුව දුව කියල හැම තිස්සෙම හුරු වෙලා දැන් වත්තෙ වැඩට එන මනුස්සයගෙ ඉඳන් අප්පච්චිට විශ්වට, අම්මගෙ අයියලා මල්ලිලා නංගිලා හැමෝටම ඉස්සෙල්ලම වැරදිලා `දුව´ කියලා ආමන්ත්‍රණය කරලා පස්සෙ තමා හරි එක කියවෙන්නෙ

අම්මා ප්‍රාර්ථනා කලේ හැම අම්මා කෙනෙක්ටම මේ වගේ දුවෙක් ලැබෙන්න කියලා. මාත් ප්‍රාර්ථනා කරන්නෙ හැම දුවෙක්ටම මේ වගේ අම්මා කෙනෙක් ලැබෙන්න කියලා

ගිය පාර අම්මගෙ උපන්දිනේට phone එකක් අරන් දුන්නා. අම්මා ඒකෙන් බණ අහනවා. හැමදාම කියන්නෙ අනේ මම හැමදාම දුවට පින් දෙනවා මට phone එක අරන් දුන්න එකෙන් මං හිතේ හැටියට බණ අහනවා කිය කිය.

ඉතිං අම්මා අහන බණ පදයක් පදයක් නෑර, සැනකින් අවබෝධ වේවා! ආයුෂ වර්ණ සැප බල ප්‍රඥා වැඩේවා! නීරෝගීව සතුටින් ඉන්න ලැබේවා! නිවන් දක්නා තුරු සුගති තල වලම මේ වගේම ලස්සන දේවතාවියක් වෙලා උපත ලබලා හැම සැප සම්පතක්ම නොඅඩුව ලබන්න ඕන

සුබම සුභ උපන් දිනයක් වේවා තෙරුවන් සරණයි අම්මා

+5

All reactions:

592You, Ayesh Jayasekara, Kolitha Dissanayaka and 589 others

97

4