...::: ඔහු හමුවන මගේ, ඇති නිවනෙත් අගේ :::...

තරුපති තරු වරා,
දිස්නෙට නුබ පුරා...
නෙත් වැසු සැටි දරා,
වසරක් නිම කරා...
.
දින සති නික්මුණා,
රෑ දහවල් වුණා...
ගැලු කඳුලක් විනා,
පෙර මෙන් නොම වුණා...
.
උන් කල දැරු වෙරේ,
නැති වුව පල දැරේ...
සැම තැන ගේ දොරේ,
පිය සෙනෙහස පිරේ...
.
යස දරුවන් වෙතේ,
කිසි අඩුවක් නැතේ...
රිදුමට නුඹ හිතේ,
කිසි කරුණක් නැතේ...
.
මියැදුනු සඳවතේ,
නුඹෙ මතකය සිතේ...
උණු වුව අප නෙතේ,
දුක නම් අඩු නැතේ...
.
එනමුදු නුඹ ගියේ,
දෙව් ලොවටැයි රැයේ...
සිතෙනා සැම පැයේ,
සැනසෙමි නෙත් දියේ...
.
අප්පච්චිගෙ මගේ,
නැත නිරයෙහි රඟේ...
ඔහු හමුවන මගේ,
ඇති නිවනෙත් අගේ...