...::: විලාසිතා :::...

  
ලස්සන කෙහෙරැලි විලාසිතා කොට යන්නට කිසිදින සිත් වී නෑ .........
රබර් සෙරප්පුව ඩෙනිම් කලිසමට ඇන්ඳ ඇඳුමෙ කිසි වෙනසක් නෑ........
ඇහි බැමි අන්ජන පුයර කොලොන් ගා සැරසී හැඩ වැඩ දැම්මෙත් නෑ........
එහෙව් මෙමට මහ පාරේ යන කොට කොල්ලන්ගෙන් කිසි වදයක් නෑ.........
.

...::: ජාතිත් දෑස් හමුවට නාවොත් ඇතිය :::...

පොඩි කෙහෙරැලි ඩිංග ඩිංග වැවෙන කොට
ඇන නොකරන් විෂයන් ගොඩ දාන කොට
රස බර තනු දෙතොලතරින් ගැයෙන කොට
උඹ දුන් වේදනා අමතක වුණා මට ...
.
දැන් දැන් කුසට තුන් වේලම සුපුරුදුය
පස් පව් නොවන මසිතට නිති තිසරණය
මහ මෙර උසට පැතුමක් තවමත් නැතිය
නුඹෙ ගති පෙන්නු දෛවෙට මම ණය ගැතිය...
.
ගිනි දැල් නිවූ සිහිලැල් අද අසරණය
සිතනා තරම් සහනය කාටත් නැතිය
නූඹ ගැන සිතේ තරහක් කෙලෙසත් නැතිය
එනමුදු වරද අමතක කරලනු බැරිය...
.
නොදෙනට සමා මට නුඹ නිදොසුත් නැතිය
ගන්නට සමා මා කල වරදක් නැතිය
පින් පව් එලෙස සමබර වන්නට ඇතිය
ජාතිත් දෑස් හමුවට නාවොත් ඇතිය...
.
෴ . ලෝචි . ෴