සරා සඳවත... නුරා ලවනත... ස්නේහයේ සර... මුමුණමින්...
පිරූ පෙරුමකි... පැතූ පැතුමකි... කල්ප ඇරඹුමටත් මුලින්...
හමුව එන්නැති... වෙන්ව යන්නැති... කලෙව් බෝ... කම් පල දෙමින්...
සමාවුව මැන... මගෙම වී මිස... යන්න නොදෙනෙමි... මේ භවෙන්...
.
සුදෝ සුදුවන්...සුපුල් කඩුපුල්... සුවඳ පරදන... නුඹෙ කොපුල්...
සේද මුදුවන්...රෝස පෙතිවන්...සිහිල් දෑලේ...නුඹෙ දෙතොල්...
තෙමා හදවත... කිඳා බැස හද...නුරා විල් උතුරන තෙපුල්...
සලා සෝදා...යන්න තරමට...සසර බැමි නොම විය දුහුල්...
.
සදා කල් සිත... පැතූ ඉමිහිරි... ස්නේහයේ සිරගත කරන්...
බලා හුන්නෙමි... නුඹේ නිල් නෙතු...මනෙත් ගැටෙනා... දින බලන්...
තුන් සිතින් උන්මාද වී...තව තවත් සසරට ලොබ කරන්...
දුකම දියකර...පිපාසෙට බොමි...තත්පරක් නුඹ හා සොයන්...
.
අත් වනුය... බුදු බවම නුඹ හට... පෙලු දුකෙන් මුදලූ ලුයෙන්...
නුඹේ බෝසත්... දෙපා ළඟ හෙලු කඳුලු ලෝ දිය නාමයෙන්...
ඉපදි මියැදෙමි... යලිඳු ඉපදෙමි... නුඹම සොයනෙමි... මනු ලොවින්...
නුඹට වින වන... රුපුන් සුන් කර...අපාගත වෙමි...නුඹෙ නමින්...
.
පලා හදවත... බලා අදහනු... නුඹයි එහි ගැස්මේ පටන්...
පෙලා නොයනුය... තවත් හදකට... කිසිත් නොවනුය පල එයින්...
පියෙව්වත් නෙත... වුවත් ගොළු මුව... නහර ඇතුලේ... තද කරන්...
සුසුම් දෙමි රුහිරයෙන් නුඹටම...රකිමි නුඹ මගෙ පණ කරන්...
.
...::: විලෝචනා :::...
