If u r a true fan,U will hear da melody!Can U Guess Him? .
බිඳුණු රළ පෙළ අතරෙ හෙමිහිට,
ගොළුවෙලා ගිය කතාවක්...
දියට පිටු පා නෙතු පියා හුන්,
මුහුණු හැඳිනූ කතාවක්...
අඳුරු සිතිවිලි පරෙවි දූවට,
රහසෙ පැවසූ කතාවක්...
තනිව තටු ලා පලා ගිය සිත,
මටම සැඟවූ කතාවක්...
.
පල්ලියේ දොර කවුලු අතරින්,
කුරුසයට ගිය කතාවක්...
හදෙහි දම් සක අරුත් යලි තුන්,
මනස කැළඹූ කතාවක්...
වෙරළ තීරෙ සාත්තර කවි,
ළදුන් නොහැඳිනු කතාවක්...
චකිතයට පෙම් බැන්ඳ තොල් පෙති,
වරදකරු කල කතාවක්...
.
හරිත නිම්නේ වයින් කෙන්ඩියෙ,
සව් දියත් පිරු කතාවක්...
දිවිය ලෙස ඔහු සිතු සෙනේහය,
නොකියා ගෙන ගිය කතාවක්...
හඳ සුවඳ ගෙන දුරක තනිවුණ,
සරා සඳ රිදු කතාවක්...
සඳ මිතුර තියු මල් මිටෙන්,
මම මමමදැයි සිති කතාවක්...
.
නුරා තොල් ඇති සිසිල් පුන්,
සඳ ඕන කල එක කතාවක්...
හතර වට මල් පිපෙණ සිහිනෙට,
ආදරේ කල කතාවක්...
වහන්නැයි කියු කවුලු පියනට,
වාරු නැති වුණු කතාවක්...
සඳලු තලයට පැල්පතින් දුර වැඩිව,
ලතැවුණු කතාවක්...
.
වෛරයෙන් සිත දැවී,
අඳුරේ මැදියමේ හුන් කතාවක්...
කොවුල් රන් ස්වර අතැර,
මත් මල සමග මුසු වූනු කතාවක්...
අලුත් අළුයම සවසකැයි සිතු,
ලිහිණියකගේ කතාවක්...
පසු තැවෙන සිත නැවති මෙතෙකින්,
සදා සමුදෙන කතාවක්...
.
විලෝචනා 