හිතේ තුන්දොස් දුරු කරන්නට,
තනිකමින් පැන ඉගිල යන්නට,
සිනාසෙන දින වැඩි කරන්නට,
ඕනි ආයෙත් පෙම් හිතක්...
.
එක උපන් දිනයක් ගෙවෙන විට,
අනෙක් වසරට දින ගණින්නට,
දිවා රෑ සැලසුම් කරන්නට,
ඕනි ආයෙත් පෙම් හිතක්...
.
ගොඩ වෙනා හැම කඩ පිලක් තුළ,
සොයා සුකුරුත්තම් අරන් ගොස්,
හමුවෙනා දින පුදුම කරනට,
ඕනි ආයෙත් පෙම් හිතක්...
.
අතින් නිමවූ දෑ පුදන්නට,
රූ අතින් සිත්තම් කරන්නට,
ගිටාරය වයමින් ගයන්නට,
ඕනි ආයෙත් පෙම් හිතක්...
.
සොයා නැතිවුන් දන් පුදන්නට,
හිතේ හැටියේ ඇවිද යන්නට,
සසර මුළුලේ පතා ඉන්නට,
ඕනි ආයෙත් පෙම් හිතක් ...
ළදරුවෙක් මෙන් ළඟම දැවටෙන,
මුතු දසන් පා හිතම සනසන,
බැරිම මොහොතේ ළඟම ගැවසෙන,
වෙද එවන් හුරතල් හිතක් ???
.
ඒ නමින් කව් ගී ලියන්නට,
ඒ නමින් ගෙත්තම් කරන්නට,
ඒ නමින් දෙතොලින් ගයන්නට,
වේද මවෙනුව පෙම් හිතක් ???
.
රිදුන තැන් සිත දුටත් සුව වන,
ඉවත ගිය කල් මතක් නොකරන,
මැරෙන තුරු හිත අතැර නෑදෙන,
කොයිද ලොව ඒ සම හිතක් ???
.
෴. විලෝචනා .෴
