...::: එනවද :::...

දවල් තිස්සෙ ඉඩ අල්ලන්,
පාර අයිනෙ බස් ගැන ගැන,
හරි වෙලාව ආපු හැටියෙ,
මං එක්කල අලි ගණින්න... 😍
.
නුඹ කිසි දින ඇහින් නුදුටු,
උඩරට දළදා පෙරහැර,
කුලුඳුලේම පේ වීලා,
එනවැයි මා හා බලන්න... 😂
.
උජාරුවෙන් පෙන්නන්නම්,
අපේ ආසනේ වග තුග,
අත් අල්ලන් එදාට හැකි,
සෙංකඩගල සිරි බලන්න... 😘
.
සෙනග අස්සෙ හොරෙන් එපා,
මගෙ උරහිස පැහැර ගන්න,
එහෙම කියල ඉඩ දෙන්නෑ,
පින්නට නුඹෙ හිස තෙමන්න... 😕
.
මුදු සුළඟක් නුඹ වෙලද්දි,
කඩුගන්නාවෙන් එනවිට,
රක්ත පලස් තව කුමටද,
නුඹ එන මග එළි කරන්න... 😚
.
වෙන කිසිදිනකටත් වඩා,
සෙංකඩගල බැබලෙනකොට,
හික්කඩුවට අත වනන්න,
නුඹට තවත් හිතෙයි ඔන්න... 😏
.
නුවර ළඳුන් හරිම හැඩයි,
ඒත් එපා නුඹ බලන්න,
බණ්ඩාරෙලා මටත් කුමට,
මගෙ හිත ගත් නුඹ ඇරෙන්න... 😒
.
උඩරට මැණිකෙගෙ අගයත්,
අන්න එදාටම දකින්න,
ජාති ජාති හිතාවි නුඹ,
නුවරින් කරකාරෙ ගන්න... 😚
.
ගැටඹෙදි දිය දෙබෑ කරන්,
කඩු පහරක් කෙටෙන විගස,
නුඹේ පැතුම් මෙනෙහි කරන්,
තුන් සිතින්ම භාර වෙන්න... 😊
.
හකුරු පිරුණු කිරි බත් වල,
සිත් සැටියේ රස බලන්න,
දිය කපනා තොට පුන් සඳ,
එළියෙන් මගෙ සඳ බලන්න... 😘
.
මගෙ පම්පෝරිය අසන්න,
සඳ එළියේ පෙම් කරන්න,
සැණකෙලි වල පැල් බඳින්න,
ලබන සතියෙ නුවර එන්න... 😍