අපරාදෙ කිව්වේ !

 මේක මට පොඩි කාලෙ වුණ සිද්ධියක්

අපෙ ගෙදර ඉස්සර ඉඳන්ම ගොඩක් පිරිස හිටියා.අයියලා දෙන්නයි නංගියි, මමයි, ලොකු අම්මගෙ දුවයි, අප්පච්චිගෙ අක්කගෙ දුවයි, මාමයි අපි 7 දෙනාම එකට හැදුණෙ. දවසක් මම රහසක් කිව්වා අපි ලොකු අම්මගෙ දුවට

.

අක්කි කෙලින්ම ඕක මං ඉන්න තැනම ලොකු අයියට කිව්වා ලොකු අයියට එතකොට අවුරුදු 20ක් වගේ ඇති. අක්කිට 23යි. ලොකු අයියා එදා දුන්නෙ මං බලාපොරොත්තු වුණාට වඩා වෙනස් උත්තරයක්.

.

අපෙ ගෙදර ඉස්සර වත්තෙ තිබුණා හෙන විසාල දූරියං ගහක්. මුලු වත්තටම ඒ ගහෙන් හෙවන ලැබුණා.

.

අර රහස ලොකු අයියට කිව්ව ගමන් ලොකු අයියා මෙච්චරයි කිව්වෙ

.

"තමුසෙට කාට හරි දෙයක් කියන්නම ඕන කියලා හිතෙනවා නම් යනවා අර දූරියං ගහ ළඟට. ගිහින් ඇති තරම් ගහට කියලා එනවා. නැත්තං ගන්නවා කඩදාසියක් හිතට එන ඔක්කොම ඒකෙ ලියලා ලියලා පුච්චලා දානවා වටේට කිය කිය යන්නෙ නැතුව "

.

මං හිතන්නෙ ඒක අයියා, අක්කිටයි මටයි දෙන්නටම උගන්නපු ලස්සනම පාඩමක්

.

~ විලෝචනා ~