Be it ❤️

 🌲🌲🌲

ඔයාට නත්තල් ගහක් නැත්තං... 

ඔයා නත්තල් ගහක් වෙන්න... 🎄

ඔයාට තෑගි ලැබුණෙ නැත්තං... 

ඔයා තෑග්ගක් වෙන්න... 🎁

නත්තල් කියන්නෙ, 

රතු කොල රන් රිදී පාට සැරසිලි,🎊️🎈

කේක් සුවඳ පිරුණ සාද විතරක් නෙවේ...🍟️🥙

ඔයා කිසිම කෙනෙක්ට වරදක් නොකර ✝️ සැනසීමෙන් හුස්ම ගන්න එකත්...  😊

හරිම සතුටුදායක නත්තලක්... 🎄

~ විලෝචනා ~

MERRY CHRISTMAS 🎄🎁

මාතෘ භාර්‍යා 🌼

 ❤ කරුණාව, දයාව, සැලකිල්ල යන වචන වල අරුත් මට තේරුම් ගන්න පුලුවන්. 

නමුත් ආදරයට හරිම නිර්වචනයක් මම අදටත් දන්නෙ නෑ. ඒ නිසා මං ආදරය කියලා හිතන දේ ඇත්තටම ආදරේද කියන්නවත් මං දන්නෙ නෑ. 

මේ ලෝකෙ අනික් හැම මනුස්සයෙක්ටම අඩු වැඩි වශයෙන් මම කරුණාව දයාව සැලකිල්ල දක්වනවා. 

ඒත් ඉන් ඉතා ඔබ්බට, විශාල පරතරයක් ඇතිව මං ඔහු කෙරේ කරුණාවක් දයාවක් සැලකිල්ලක් දක්වනවා... මං ඒ සීමාවෙන් එහාට ඇති හැඟීමට තමා ❤ ආදරේ ❤ කියන්නෙ. ඒ නිසාම විහිලුවකටවත් වෙන කිසිම කෙනෙක්ට මං නොකියන, එකම එක්කෙනෙක්ට පමණක් කියන මගෙ ශබ්දකෝෂයේ වටිනම වචන ටික තමා 

" මං ඔයාට ආදරෙයි ❤" 

කියන වචන ටික... 🤭

මං තුළ පවතින ඒ විශේෂ හැඟීම මම හඳුන ගන්නෙ පුංචි පරාමිති වලින්. සමහර විට මම වැරදි වෙන්න ඇති.... නමුත් මේ මගේ විදිය...

කවදාවත් කිසිම දේක හොඳම හරිය, එයාට නොදී මට ගන්න හිතෙන්නෙ නෑ. රසම පීසා කෑල්ල, ලොකුම චීස් කෑල්ල එයාට ලැබුනෙ ඒකයි. රසම හරිය හොඳම හරිය එයාට දුන්නම තමා මගෙ බඩ පිරුණෙ. 

මං කොච්චර වැටුණත් දුක් වුණත් වෙහෙස වුණත් මට ඒ සියල්ල අමතක කරලා පහුවදා අවදි වෙලා අලුතෙන් දවස කාර්‍යක්ෂමව ගෙවන්න පුලුවන්. ඒත් එයාගෙ පේන මානයට දුකක්, වේදනාවක් ,සිත් රිදීමක්, අනතුරක සේයාවක් වත් එනවා කියලා හිතන්නවත් මට බෑ... එහෙම අවස්ථාවකදි කල්තියාම මං එයාගෙ ඉස්සරහින් හිටගන්නෙ ඒකයි. 

මට දාහක් ගැටලු ආවත්, මගෙ හිත උත්සහ කරන්නෙ ඉස්සෙල්ලම ඒ හිත නිදහස් කරන්න. ඒ ශරීරයට සැප පහසුව දෙන්න. ඒ අවකාශය පිරිසිදුව පිලිවෙලක් කරලා ලස්සන කරලා දෙන්න. ඒ කුස පුරවන්න. මට දැරිය හැකි මූල්‍යම සීමාවෙ උපරිමයටම එයාට ඕන දේවල් සපයලා දෙන්න... ❤

මට මමත් නැති මොහොතක පවා එයාට 'මං' ඉන්නෙ කොහොමද කියන දේ මට හිතා ගන්න බෑ... 😊 ඒත් මං එක දෙයක් දන්නවා........

" මාතා යථා නියං පුත්‌තං - ආයුසා එක පුත්‌ත මනුරක්‌ඛෙ" ......... මව තම එක ම පුත්‍රයා ජීවිත පරිත්‍යාගයෙන් වූවත් රක්නේ යම් සේද........... එසේ මම සෑම අවස්ථාවකදිම ඔහුව රකිනවා... ❤

~ මාතෘ භාර්‍යා ~

 © විලෝචනා

හුස්මක බර

 ජීවිතේ 

එක් සමයක...

අපි ලෝබයි... ජීවිතේ හැරයන්න.. 

මේ සම්මුති ලෝකයේ ඇති,

ජීවී, අජීවී සෑම බැඳීමක්ම... 

වැල් මුල් පටලවා මෙන්,

අපව හුස්මට බැඳ තබන අපූරුව... 

කල් යල් ගෙවෙත්ම... 

ඉර හඳ අතර වෙනස දිගු වෙත්ම...

කිසිවෙකුත් කිසිවකුත්...

ඇල්මේ තදින් නොරැඳෙන මොහොතක... 

අපි හැමෝගෙන්ම අපේ හිත්...

එක් වතාවක් වත් අසා නැතිද?

තවත් නම් කොතරම් කලක්... 

මේ හුස්ම බර අපි අල්ලන් ඉන්නද? 

~ විලෝචනා ~

නික්මීම

 

🌊🌬️

මං කැමතියි...

මේ ලෝකෙන් යන දවසට 

හිස් තැනක් නොතියා යන්න...

මං නැති අඩුව,

නොදැනෙන විදිහට යන්න... 

ජීවත් වන කාලයේ... 

කාටවත් බරක් වෙන්නෙත් නැතුව...

කාටවත් නැතුව බැරි අත් වාරුවක් වෙන්නෙත් නැතුව,

කල යුතු යුතුකම් වගකීම්,

මං වෙනුවෙනුත්, 

අනුන් වෙනුවෙනුත්...

සීමාවෙන් ඉටු කරලා...

නිහඬව පිටමන් වෙන්න...

කවුරු හෝ මං ගිය බව,

ඉඳ හිටක සිහිකලත්...

හොඳකට හෝ නරකකට, 

කාගෙවත් සසර දික් කරන,

මාතෘකාවක් නොවීම යන්න... 

මම කාටවත්ම...

පමණට වඩා නොඇලී ඉන්න...

මට කවුරුවත්...

පමණට වඩා බැඳිලා නොඉන්න... 

මං කැමති,

හිත් අවකාශයක වත්... 

ඉඩක් නොගන්නා... 

මානසික පදාර්ථයක් වත් 

නොවීම නික්මෙන්න... 🌿

~ විලෝචනා ~

AKD ( Not political )

 

දේශපාලන ඇසකින් නෙවේ... 

සාමාන්‍ය මිනිසෙකු ලෙස බැලුවම 😁 

අනේ නුඹ සිරියාවයි ලස්සනයි හරිම

ජනාධිපති වුණායින් කවි ලිව්වට හැමෝම 😁

මං නම් වශී වූනේ ඊටත් කලින්ම 😁

ඡන්දෙ වෙනයි මේක වෙනයි එකෙන්ම 🤣

දැන් නම් ලස්සනයි කලින්ටත් වැඩියෙම 😌

හිතේ උන්න Crush එක ජනාධිපති වුණාම 😁

ආර්‍යාවට වගේ දැනෙනවා සතුටක් කුරිරුම 

බිම හිටිය නුඹ අරලිය අත්තක වැජඹුනාම 

අහසෙ පොළවෙ වගේ පරතරේ වැඩි වුණා තමා බොහොම 😑

ඒත් මොකෝ දැන් අනුරටනෙ රටම 😍

මාත් මේ රටේ නිසා මාත් ඉතිං අනුරටම 😁

ප්‍රේම නොකරන්න

වෛර කරනට කිසිවෙකු නැති නම් 

මට වෛර කරන්න... 

වෛරක්කාරී මිනිසුන් සමග

නොගැටී ගණුදෙනු කරන සැටි...

මම දන්නවා... 

ලොව අවසන්ම සගයා මම උවද, 

මට ප්‍රේම නොකරන්න... 

මන්ද,

අදටත්... 

මට ආදරය කරන 

සියලුම මිනිසුන් දෙස 

මම සැකයෙන් බලනවා...

ගලේ ගැහුවත් මැරෙන්නෙ නැහැයි කිව්ව, තව කෙටි කලකින් මැරෙනවා කිව්ව අයගෙ ආයුෂ වෙනස් වුණේ කොහොමද?

 

අනාගතය වෙනස් කරන්න සමහර විට එක පැයත් ඇති. ඉපදුණ මොහොතේ කිව්ව අනාවැකි ඒ විදිහටම හරියනවද, වෙනස් වෙනවද කියන එකට ලොකු ලොකුම බලපෑමක් කරන්න පුලුවන් ඉපදුනාට පස්සෙ ගෙව්ව ඉතිරි අවුරුදු 48 තුළ කල දේවල් අනුව.

මට කතාවක් මතක් වුණා.හරියටම කතාව මතක නැති වුණත් මතක විදිහට කියන්නම්.. එක ස්වාමින්වහණ්සේ නමක් දවසක් තම හැකියාවෙන් බලනවා තමන්වහණ්සේ ළඟ සිටින පොඩි නමගෙ අනාගතය. උන්වහණ්සේ දකිනවා එතනදි තව දවස් 3 කින් මේ ස්වාමින්වහණ්සේගෙ ආයුෂ අවසන් වන බව. ඉතිං මේ ස්වාමින්වහණ්සේ අර පොඩි නමට කතා කරලා කියනවා ගොඩ දවසකින් ගිහිකල මව පියා බලන්න ගියෙ නෑනෙ. ගිහිං බලලා සතියක් විතර එහි වැඩ ඉඳලා එන්න කියලා. ඉතිං නායක ස්වාමින්වහණ්සේ කිව්ව දේ අහලා මේ පොඩි නම, ගම් දොර බලා පිටත් වෙනවා...

සතියකට පස්සෙ, මෙන්න අර පොඩි නම කිසි ගැටලුවක් නැතුව පන්සලට වඩිනවා. ලොකු ස්වාමින්වහණ්සේට ඔන්න ගැටලුවක් ආවා කොහොමද තමන් සිය ඥානයෙන් දුටුව දේ වෙනස් වුණේ කියලා. උන් වහණ්සේ නැවත සමවැදිලා බලද්දි හරියටම දකිනවා සිදුවුන දේ.

දින තුනකින් කෙලවර වෙන්න තිබුණ ආයුෂය දීර්ඝ වෙන පින්කමක් අතරමගදි උන්වහණ්සේ කරලා තිබුණා. ඒ තමා මේ පොඩි ස්වාමින්වහණ්සේ , වතුර වලක දඟලමින් හිටිය කූඹි විශාල ප්‍රමාණයක් බොහොම ඉවසීමෙන් මෛත්‍රීයෙන් කරුණාවෙන් තමන් යන ගමනට වන ප්‍රමාදය ගැන වත් නොසිතා බේරගන්නවා.

මේ කල පුණ්‍යකර්මයේ ආනිසංසයෙන් කෙළවර වෙන්න තිබුණ ආයුෂය බොහෝ දීර්ඝ වෙලා තිබුණා " තම ඥාණයෙන් බලන මොහොත වන විටත් සකස් වී තිබුන අනාගතය එහෙනම් වෙනස් වුණේ මේ ගමන අතරමගදියි.

ඉතිං මේ කතාවෙන් අපිට අදහසක් ගන්න පුලුවන් පින පව , කුසල් අකුසල් පොඩි කොට සලකලා අහක දාන්න බෑ කියලා. කොයි තරම් ගලේ ගැහුවත් මරන්න බෑ කියන අය ඉපදුන මොහොතේ සිට කල පව් අනුව ආයුෂ අඩු කරගන්නවා. කොයි තරම් අනිවාර්යයෙන් මැරෙනවා කිව්ව අයත් දිවිය තුල මහා පිංකම් කරන් ආයුෂ වැඩි කරන් තියෙනවා.

හැබැයි ඔය මොනා කලත් අන්තිම මොහොතෙ හිතට එන එක අකුසල් සිතිවිල්ලකට පුලුවන් අපිට නරකක් කරන්න. එක හොඳ සිතිවිල්ලකට පුලුවන් පව් කල කෙනෙක් සුගති තලයකට ගෙනියන්න.

බුදු දහමට විශාල මෙහෙවරක් ධර්මාශෝක රජතුමා මරණින් මතු දින ගණනකට හෝ තිරිසන් අපායෙත්, අසදෘශ දානය සංවිධානය කල මල්ලිකාවත් අපායෙ වැටුණයි කියලා අහල ඇති. අපිත් කොච්චර පිං කලත් අපි දන්නෙ නෑ මැරන්න ඔන්න මෙන්න මොහොතෙ මොනවා හිතට එයිද කියලා...

කර්ම විෂය හරිම පුළුල්. අපි මොනාද ඒ ගැන දන්නෙ. ඒ නිසා කෙනෙක්ගෙ හදිසි මරණයක් පිටින් බලලා මනින්නත් අපිට බෑ...

සමහර විට බුදුගුණ සිහිකරමින් ගිය කුමාරයෙක්, සොර මුලකට අසුව මිය ගිහිං දිව්‍යලෝකෙ ඉපදුනා වගේ, සත්තු මස් කල කුක්කුටමිත්ත වැද්දත් සෝවාන් වුනා වගේ අපි දන්නෙ නෑ කල කම් වලින් කුමක් ඉස්මතු වී කොහේ යන්න ඒ ඒ අය ඉරණම වෙනස් කරගෙන හෝ සකස් කරගෙන තිබුණද කියන්න.

පහු ගිය ටිකේ අපි ඇහුවා ක්ෂණික මරණ ගැන. සමහරුන්ට හිතන්න වෙලාවක් නෑ එතනම මැරිලා. මේ අය කොහෙ ඇතිද, හරි අහිංසකයි ඒ නිසා හොඳ තැනක ඇති, හරි මදාවියා සාපමයි වැදුනෙ අපායෙම තමා, කියල අපිට සහතික දෙන්න බෑ...

මොකද අපිත් තාමත් සසරේ...

මේ කිසිම පුවතකට හිතෙන් බැනලා හිනාවෙලා සාප කරලා හිතට කුණු පුරවගන්න එපා.

මුගලන් මහරහතණ්වහණ්සේ පිරිණිවන් පෑවෙ සොර මුලක් අතින්... ඒ සොර මුල වෙන කවුරුත් නෙවේ... දුර අතීත භවයක උන්වහණ්සේ සිය බිරිඳගේ කීමට සිය අන්ධ මව්පියන් කැලේකට ගෙනගොස් පොලු වලින් ගසා හොර මුලක් කරන වැඩක් විදිහට පෙන්නලා මරලා දානවා...

මේ පාප කර්මෙ දැකලා... හපොයි මේ අන්ධ මිනිස්සුන්ට මේ විනාසෙ කල එවුන් නම් ඔය විදිහටම තමා මැරිලා යන්න ඕන කියලා සාප කරලා වෛර බැඳගත්ත මිනිස්සු තමා මුගලන් මගරහතන් වහණ්සේ නිවන් දකින භවයෙ සොර මුලක් වෙලා ඇවිත් මහරහතන් වහණ්සේ ඝාතනය කල ආනන්තරීය පාපකර්මය කරන් අවීචියට යන්නෙත්...

ඒ නිසා කවුරු හෝ කෙනෙක් කරන පිනක් දැක බලා අනුමෝදන් වෙනවා වගේම... පවක් දැකලා වෛර බැඳගැනීමත් මොන තරම් තමන්ට බලපානවාද කියලා තේරුම් ගන්න ඕන...

අපිට සිද්ද වෙනවා සම සිතින් ධර්මානුකූලව මේ දේවල් ගැන හිතන්න... හරියට තෙල් එක්ක ජලය මුසු නොවෙනවා වගේ මොන තරම් නරක දැක්කත් ඒවට හොඳ කියන්න හෝ වෛර බඳින්න හෝ නොයා සිත රැකගන්න අපි දක්ශ වෙන්න ඕන

ඔය බැන බැන ඉන්න වෙලාවක මොකක් හෝ ලෙඩකින් අනතුරකින් අත්වැරදීමකින් වෙන කෙනෙක්ගෙ අතින් අපි මරණයට පත් වුණොත් අපිටත් මොකද වෙන්නෙ? වෛරයක් ඔලුවෙ තියන් අපිට හොඳ තැනකට යන්න ලැබෙයිද?

ගිය අය ගියා... අපි කොහෙ යයිද? ඒ අයගෙ ඉරණමට වඩා අපෙ ඉරණම හොඳ වෙයි කියලා සහතික දෙන්න කවුරුත් ඉන්නවද?

ආනන්තරීය පාප කරම 2ක්ම කල දෙව්දත් තෙර අවීචියෙ යන්න කලින් අනාගතයෙ අවීචියෙන් මිදිලා සට්ඨිස්සර නමින් පසේ බුද්ධත්වය ලබනවා කියලා ගෞතම බුදුරජාණන් වහණ්සේගෙන් නියත විවරණ ලැබුවා වගේ අපිට කවුරුත් නිශ්චිත අවසානයක් ගැන කියලා තියෙනවද?

අන්න ඒ ගැන හිතලා හැමතිස්සෙම හිත කරුණාවෙන් මෛත්‍රීයෙන් හිත ලස්සනට තියාගන්න. හිත පිරිසිදුව තියාගන්න පුහුණු වෙන තරමට අපෙ අවසන් සිතුවිල්ල නරක නොවන තැනට අපිට හිත මෙල්ල කරගන්න පුලුවන් වෙයි

👉 එක එක කාල වලදි අපිට මෙහෙම වෙන්න පුලුවන්.

 

එක එක කාල වලදි අපිට මෙහෙම වෙන්න පුලුවන්. ඉපදුණ දවසෙ ඉඳලා මැරෙනකල් මේක මේ පිළිවෙලටම යන්නත් පුලුවන්... Shuffle වෙන්නත් පුලුවන්... මේ ඔක්කොම නොවෙන්නත් පුලුවන්, මිට වැඩි වෙන්නත් පුලුවන්

වැඩියෙන් නිදියනවා

වැඩියෙන් කනවා

වැඩියෙන් අහනවා

වැඩියෙන් බලනවා

වැඩියෙන් හොයනවා

වැඩියෙන් ප්‍රශ්න කරනවා

වැඩියෙන් ඉගෙන ගන්නවා

වැඩියෙන් දාර්ශනික වෙනවා Φ

වැඩියෙන් පෙනී සිටිනවා

වැඩියෙන් පැහැදිලි කරනවා

වැඩියෙන් සැලසුම් කරනවා

වැඩියෙන් උපයනවා

වැඩියෙන් විලාසිතා කරනවා

වැඩියෙන් විශ්වාස කරනව

වැඩියෙන් ඇසුරු කරනවා

වැඩියෙන් ඇවිදිනවා‍

වැඩියෙන් විනෝද වෙනවා

වැඩියෙන් රැවටෙනවා

වැඩියෙන් කල කිරෙනවා

වැඩියෙන් දුක් වෙනවා

වැඩියෙන් හිතනවා

වැඩියෙන් ලියනවා

වැඩියෙන් ව්‍යායම කරනවා

වැඩියෙන් තේරුම් යනවා

වැඩියෙන් අත් හරිනවා

වැඩියෙන් නිදහසේ ඉන්නවා

මේ දවස් වල ඔයා ඉන්නෙ මින් කොතන වුණත් ජයවේවා!

🌼 කාගෙ හරි මිතුරු ලයිස්තුවකට එකතු වෙන්න හෝ එහි රැඳී සිටින්න බාධාවක් වන දේවල්...

 

කාගෙ හරි මිතුරු ලයිස්තුවකට එකතු වෙන්න හෝ එහි රැඳී සිටින්න බාධාවක් වන දේවල්...

.

1. ඔබේ අනන්‍යතාව තහවුරු වන අන්දමේ Profile Picture එකක් නොතිබීම - සත්තුන්ගෙ, පරිසරයෙ, සොභාදහමෙ, වාහන වල, වෙන ප්‍රසිද්ධ චරිත වල දරුවන්ගෙ,හෝ කණ්ඩායම් ඡායාරූප, බොහෝ විට දෙදෙනෙක් සිටින ඡායාරූපයක් වුණත් තිබීම ඔබව Friend List එකට add කරගන්න කෙනෙක්ට ඔබ කවුදැයි හරියට තෝරාගැනීමෙදී ප්‍රශ්නයක්.

2. ඔබේ නම සහ ගැහැණු පිරිමි භාවය පැහැදිලිව නොතිබීම. නම වෙනුවට වෙන වැකි මාතෘකා යොදා තිබීම, එක ගිණුමක දෙදෙනෙක්ගෙ නම් තිබීම, පිරිමි ගිණුමක ගැහැණු රූපයකින් පෙනී සිටීම හා ඊට නොගැලපෙන පරිදි ගෑණු පිරිමි භාවය යොදා තිබීම.

3. Friend Request එකක් යවන මොහොතේදී profile එක lock කර තිබීම හෝ ඔබව හඳුනාගැනීමට ප්‍රමාණවත් තරම් තොරතුරු ඡායාරූප නොතිබීම, පැරණි post හෝ wall එකේ ඔබේ Activities කිසිවක් නොතිබීම

4. මිතුරු ලයිස්තුවට එකතු වුවද රැඳෙන්න නොහැකි වීමට හේතු කීපයකි... හඳුනාගැනීමට ටික කාලයක් හෝ ඉඩ නොදී අනෙකාට බාධා වන පරිදි දිගින් දිගට දුරකථන ඇමතුම් ගැනීම, දිගින් දිගට පණිවිඩ එවීම, හිංසාකාරි ප්‍රතිචාර පල කිරීම.

මේ Facebook අවකාශය තුළ ඔබේ සහෝදරයා සහෝදරිය මව පියා පෙම්වතා පෙම්වතිය කවුරු වුණත් ඉන්න පුලුවන්... ඔබේ නොවුනත් ඔවුන් කාගෙ හෝ ගෞරවනීය බැඳීමක් ඇති අයෙක්... ඒ බැඳීම් වලට ගෞරව කරන තාක් ඔබටද ඔබේ බැඳීම් වලටද සොබාදහමෙන් පෙරලා ගෞරවය ආරක්ශාව හිමිවනු ඇත. Message එකක් Call එකක් comment එකක් අඩුම තරමෙ Ha Ha වගේ reaction එකක් දාන්න කලින් හොඳට හිතන්න... මං මේක කරන්නම ඕනද කියලා...

ඔබ කරන හැමදේම නිර්වචනය කරන්නෙ ඔබව... ඔබ නියෝජනය කරන්නෙ ඔබව... ඔබේ සහෝදරයා සහෝදරියව... ඔබේ පවුල... ඔබේ පාසල, ඔබේ නගරය, රට ... සමහර විට ඔබේ ආගම ජාතිය...

ඉතිං පිරිමි ළමයෙක් වුණත් ගෑණු ළමයෙක් වුණත් ... අභිමානෙන් ඉන්න... කාටවත් හිංසා නොකර අවශ්‍ය තැනදි සුභ පතලා හොඳ දෙයක් නම් ලස්සනට ප්‍රතිචාර දක්වලා අනවශ්‍ය නම් එතැනදි මගඇරලා යන්න...

ඔයා ඔයාව ලස්සනට ලෝකෙට පෙන්නන්න... ඔයා... ඔයා වෙනුවෙන්ම අභිමානෙන් ඉන්න