මේ... මොනවද බලන්නෙ?
ඔව් ඔයාගෙන් තමා ඇහුවෙ 
අද කෑවද? බිව්වද?
මේ මොහොතෙත් හිතෙන්නෙ වෙන කවුරු හරි ගැන නේද? එක්කො ඔහේ මොනා හරි දෙයක් ඔලුවෙ කැරකෙනවා. ඔයා හිතන්නෙ මොනවා වුණත් ටිකකට ඒක අමතක කරන්නකො.
කණ්ණාඩිය ඉස්සරහට ගිහිං ඔයාගෙ මූණ ටිකක් බැලුවද?
මූණ අත පය පිරිසිදු කරගෙන සුවඳ ටිකක් ඉහ ගත්තෙ නැද්ද?
අද ඇඟට ඕන පමණට වතුර බිව්වද?
ව්‍යායාමයක් කරන්න වෙලාවක් නැත්තං පොඩ්ඩක් ඇවිදලා ඇඟ හොර වෙන්න නොදී තියාගන්න හිතුනෙ නැද්ද?
කන්නන් වාලෙ ඔහේ කෑවට, බීවට දවස ගෙව්වට,පොඩ්ඩක් උවමනාවෙන් තමන් වෙනුවෙන් වෙලාව වෙන් කලාද?
පොඩ්ඩක් ඇස් වහගෙන හුස්ම ටිකක් අරන් අද දවස ජීවත් වුණ එක ගැන සතුටු වෙන්න.
ආස සින්දුවක් අහන්න...
ළඟ පාත තියෙන ලස්සන එළිමහනකට ගිහිං තනියම හරි හීතල හුළඟ විඳලා එන්න...
පොඩි කඩල පැකට් එකක් හරි කන ගමන් සතුටින් මේ මොහොත විඳින්න...
ඔයා තමා ඔයා ගැන හිතන්න ඕන ඉතිං...
ඔයා තරම් ඔයා වෙනුවෙන් කැප වෙන්න පුලුවන් වෙන කවුරුත් නෑ...
දිව්වා ඇති 
චුට්ටක් ඔයා ගැන හිතන්න... ඔයාගෙ මනස සන්සුන් කරගන්න බලන්න. දවසෙ එක පැය භාගයක් ඔයාගෙම ලෝකෙකට වෙලාව වෙන් කරන්න. ඒ වෙලාවට කාගෙවත් ප්‍රශ්න ඔලුවට ගන්න එපා. පොඩ්ඩක් තමන් ගැන සැලකිලිමත් වෙන්න ගත්තම, ඒක පුරුදු නැති කෙනෙක්ට නම් මහා ආත්මාර්ථකාමී බවක් තමන්ගෙන් තමන්ටම දැනෙන්න පුලුවන්... නෑ ඒක එහෙම නෑ. පැය භාගයක් සිහියෙන් තමන් වෙනුවෙන් වෙලාව වෙන් කලා කියලා මොකුත් නැතිවෙන්නෙ නෑ. හැබැයි ඔයාට ගොඩක් දේවල් ලැබෙයි. 
මනසට සැහැල්ලුවක් දැනෙන ඒ පැය භාගෙ අද ඉඳන්ම ඔයා වෙනුවෙන් ඔයා වෙන් කරන්න ඕන... හා ද? 
No comments:
Post a Comment
leave your comment here...