මෙලෙක් සිත සියුම් සිත
මසිත ලුහුබඳින සිත
කල්ප ගණනක් පුරා
සක්වලේ ලබැඳි නෙත
මග ඇරුණු තුන්සියක්
වස් පුරා දුක් වින්ඳ
මෙ අත් බැව් මා දුටින්
ප්‍රීතියෙන් ඉපිළ ගිය
මා බවුන් වඩන තුරු
නා රජුන් සෙවන වුණ
යන එනා මාවතේ
සිහි කලත් ළඟ මැවුණ
සහස් නුඹෙ සේනාව
මෙතෙක් කල් මා රැක්ක
අරන් නුඹ දුර යන්න
පින නැතිය මට එන්න
සසර බෝ දුර ඇවිත්
අවසනදි නොහැරෙන්න
මගෙ සිනිදු කෙහෙරැල්ල
කටු මතදි වැතිරෙන්න
මරුන් නොමගට ගද්දි
හරි දහම සිහිවෙන්න
බෝසතුණි සසර හිමි
රැගෙන මිස නොනිවෙන්න 🙏
.
© විලෝචනා අබේකෝන්
No comments:
Post a Comment
leave your comment here...