...::: මන්දෝදරී :::...

🙏🙏🙏
උත්තමාවී...
මා දේවතාවී...
ඔහු,
සංසාර රතිඟනාවී කියූ,
නුඹට ද හැකි වුණී නම්,
ඇයට ඔහු දෝතින් පුදා,
ඇයත් ඔහුත් රකිනට... 😒
කිමද මා වනු අසමර්ථ,
ඇයට ඔහු දී,
උන් රකින්නට,
දේවතාවී,
මන්දෝදරී... 🙏
.
© විලෝචනා අබේකෝන්

...::: ඔහු නුඹට භාරයි රාවණා :::...

මෙලෙක් සිත සියුම් සිත
මසිත ලුහුබඳින සිත
කල්ප ගණනක් පුරා
සක්වලේ ලබැඳි නෙත
මග ඇරුණු තුන්සියක්
වස් පුරා දුක් වින්ඳ
මෙ අත් බැව් මා දුටින්
ප්‍රීතියෙන් ඉපිළ ගිය

මා බවුන් වඩන තුරු
නා රජුන් සෙවන වුණ
යන එනා මාවතේ
සිහි කලත් ළඟ මැවුණ
සහස් නුඹෙ සේනාව
මෙතෙක් කල් මා රැක්ක
අරන් නුඹ දුර යන්න
පින නැතිය මට එන්න

සසර බෝ දුර ඇවිත්
අවසනදි නොහැරෙන්න
මගෙ සිනිදු කෙහෙරැල්ල
කටු මතදි වැතිරෙන්න
මරුන් නොමගට ගද්දි
හරි දහම සිහිවෙන්න
බෝසතුණි සසර හිමි
රැගෙන මිස නොනිවෙන්න 🙏
.
© විලෝචනා අබේකෝන්

...::: තවත් සිහිනයක් මිස :::...

❤️❤️❤️

සිරියහන් ගබඩාවෙ,
කවුලුවට පිටුපසින්,
පියගැටපෙලෙන් ඇසෙයි,
අඩි ගැටෙන සද්දයක්... 🤔

ටක ටකස් හඬ නගා,
කොරිඩෝව වටෙන් විත්,
දමයි එක් තට්ටුවක්,
දොර අන්ඩ කරකවා... 🤨

සයක් අඩි උස නුඹට,
දොරෙන් එන්නට බැරිව,
නවයි හිස වදිනවට,
උලුවස්සෙ හෙල්මටය... 🙊

බර බිමින් තබන්නට,
පෙර ඇවිත් යහන වෙත,
දෑතෙ ලා දෙකම්මුල්,
සිප ගනියි පටු නළල... 😍

දැණුනු ඒ තෙත දෙතොල,
ඇහැරවිය මා නින්ද,
අනේ 😭 නුඹ ඇවිත් නැත,
තවත් සිහිනයක් මිස 🤦🤦🤦
.
© විලෝචනා අබේකෝන්

...::: වෙසෙස් යථාර්ථය :::...

💎
නුඹ දන්නා දෙයත්,
නුඹට දැනෙනා දෙයත්,
තථ්‍යාසන්න යථාර්ථයත්,
යථාර්ථයත්,
බොහෝ වෙසෙස් ය...
.
© විලෝචනා අබේකෝන්

...::: සඳ අපට අමාවක :::...

😣
රත්තරං ඇඟිලි තුඩු,
ගැලපු හැම වචනෙකම,
අරුත සැන වටහගෙන
ඔහුට බෝ බැති බරව,
මං දුටිමි තප්පරෙන්,
ඔහු පෙන්නු සසර බය...
.
මං උන්නෙ අපායක,
මං ආවා යහ මගට,
මං දැක්කෙ දෙවිරුවක්,
ඇහුවෙ එක ඔවදනක්,
ඇසු පිනම විය සවිය...
.
අද බෝම හොඳින් මම,
තිබුණි උඹටත් එපින,
නුඹ කනට නොගත්තට,
පින් වඩනු නිවෙන්නට,
පෙර පිනම පෑදෙන්න...
.
කෙල්ලෙ මගෙ දෑහටත්
කඳුලු උණනවා දුකට
යලි අහසෙ නොපායන,
සඳ අපට අමාවක,
පතමි මම නිවන් සුව... 🙏🙏🙏
.
© විලෝචනා අබේකෝන්