...::: නුඹ එන දින තවත් දුරද :::...

<3
සුරඟන සේ මා සරසා, 😍
රතු පලසේ සුරත හොවා, 😘
මා කැඳවා යන කුමරුනි, 😋
නුඹ එන දින තවත් දුරද ??? 😂

...::: අපූරු ඇය හෙවත් අම්මී :::...

ගොරකා මාලුවෙ ඉඳලා හිටලා
සැමන් කෑලිත් තියෙනවා
පිපිරුණාවූ අබ ගොඩක් මැද
ගෝවා කැබලිත් හම්බුණා
උළු හාල් දිව පිනුව විට
අල කැබලි තිත්තට අහුවුණා
පිඟානේ අයිනේ පුරා
අල සැමන් ගෝවා ඉතිරුණා
.
කොතෙක් බැණ වැදුණත්
ගමේ වන රැජිනගෙන් කිරි ගන්නවා
සතියෙ ඇඳි රෙදි කඳක් බැන බැන
සෙනසුරාදම සේදුවා
සාරි ඇන්ඳම ඔසරි වෙනුවට
ඒකටත් දෙහි කපනවා
අන්තිමේදි සාරියත් ඇය
කීව ලෙසටම අඳිනවා
.
කීව ඒවම ආයෙ ආයෙ
රඟ පපා ඇය කියනවා
අපිත් කිසි දින නහපු විලසින්
සවන් දීගෙන ඉන්නවා
හදල දුන්නොත් අලුත් කෑමක්
දහක් ඇද කුද කියනවා
කන්න බෑ හනෙ හපොයි කිය කිය
පිඟානම හිස් කරනවා

...::: ලොකු කම :::...

😘
උඹට තිබුණා හෙන ලොකු කමක්,
මටත් තිබ්බා ඊට දෙවනි නැතුවම...
උඹෙ ලොකු කමට හේතු තිබ්බා,
මට නම් ඒමටයි කියලා හේතු නොතිබ්බට...
අවුරුදු හතරක් මූණු පොතේ හිටියෙ,
උඹ මාව, මං උඹව,
බලලා නොවේමත් නොවුණට...
වැරදිලා වත් ආවෙ නෑනෙ,
එක නොටිෆිකේෂන් එකක්,
අපිට අපි ගැන...
උඹෙ ලොකුකම කාලෙත් එක්ක...
මට උඹව පට්ට ඩෑල් එකක් කලාම, 👌
මගෙන් එකම එක කොමෙන්ටුවයි වැටුනෙ...
නොදැනීම වැටුනෙ උඹෙනුත් මට
හාර්ට් රිඇක්ෂන් එක... <3
මැසෙන්ජර් බෝරිංග්...
වට්ස් ඇප් ඇති නේද?
නොම්මරේ දුන්නා කියලා මොකෝ...
උඹ මාව හොයන් එන්නද? 😂
+94 යවන්න කලිං +13 ආවම,
නුහුරක් තිබ්බෙ නෑ...
ඉමෝජියක වත් එහෙමයි කියලා අපිට... 😍
පැය දාහතරාමාරක වෙනස...
අනේ අපි ගලපගත්ත හැටියට...
සමාන කම් මොකුත් නැතත්...
අපි දෙඩෙව්වෙ එකසිය ගාණට,
උඹ හරි ඕපන්...
මමත් උඹට යුනික් කෙල්ල...
තැප්‍රොබේන් ආවත් සතියකට...
දන්නවා උඹෙ එක විනාඩියක් හරි...
රිසව්ඩ් මේ මට... 🌷
කටහඬ අහන්නම්...
+94 කින්ම...
එතකල් ගියදෙන් මේ මාසෙත්,
අනාහත හැඟීමකම...
විහිලුවෙන් හරි කිව්වට,
බොක්කට දැනෙනවා මචං දැං සිරාවට... 😊
උඹව තනිකරලා නම්,
ඇස් පියා ගන්න හිතෙන්නෑ මට,
ඉතිං උඹ වැඩ කරද්දි,
නිදාගනියිද හිතකින් මේ ඇස් දෙක...
දැන් මගෙ අහසෙ තියෙන්නෙ,
ඉර ද හඳ ද කියල අදාලම නෑ මට...
උඹෙ දවාල, මගෙත් දවාල...
උඹෙ රෑ ... එකන්ම මගෙත් රැය ☝️
.
...::: © විලෝචනා :::...

...::: මක්කරන්නද ඉතින්:::..

:( <3
කෙලි සිනා සුරතලෙන්
ගේ පුරා සිරියාව
පැතිර තිබු ඊයෙ මෙන්
අද නෑනෙ එළියක්...
.
හනික හූ හඬ දිදී
ඇදුණු දුම්රියෙ නැගී
වේගයෙන් පෙර දවස්
වෙත ඇදුණි මතකයක්...
.
තේ කහට ජොග්ගුවයි
සමපෝශ ගුලි හයයි
හදන් හරි හරියෙ බැලු
චිත්‍රපටි කන්දක්...
.
කඩිමුඩියෙ කඩ පිලෙන්
ගත් කඩල පැකට්ටුව
තෙවන ස්ලැබ් එකට වැද
රස විඳිමි අහුරක්...
.
සුවසෙවන, නෝ ලිමිට්
පීසා හට්, ප්‍රිම්රෝස්
යායටම නරඹමින්
නහමි සුව පවනක්...
.
චිත්‍රපට ඉතිරි තිහ
ජම්බො පීනට් අහුරු
ෆ්‍රිජ් එකේ දුක් විඳියි
බෙල් පෙපර් ගෙඩියක්...
.
පීසා හැදුමට චීස්
පුඩින් හැදුමට කිරිත්
තිබෙන මුත් නුඹ නැතුව
නැහැ කිසිම ගතියක්...
.
මක්කරන්නද ඉතින්
පාලුව වරයි සැනින්
කලින් ගෙවු තප්පරය
දැන් ගෙවමි වරුවක්... 

💛 ගෝ ච ර 💛

💛
20Hz - 20,000Hz අතර,
ශ්‍රවණ පරාසය තුළ,
ශ්‍රව්‍ය ගෝචර දෑ මිස...
දෘශ්‍ය ආලෝක පරාසයේ,
නැනෝ මීටර් 400 ත් 800ත් අතර,
තරංග ආයාම අඩු වැඩි වීම් මිස...
නියුරෝන ඔස්සේ ලැබෙන,
සංඥාවන් මිසක...
අන් දෙයක් නොවේ මට ගෝචර...
නො වේ   ම ට   ත ව ම   ගෝ ච ර 😣🙏
.
© විලෝචනා අබේකෝන්