...::: මැණිකක් :::...

❤️ මහපොළොව විද විද, පස් කඳු ගොඩ ගහ ගහ, දිය කඳේ හෝද හෝද, මොනවද බං හොයන්නෙ උඹ??? 🤔 කොමතේරු හවුල, ඉඩම් හවුල, නානා ප්‍රකාර නඩ බෙද බෙද... ගැහැට ගැහැට පොළොව දෙබෑ කර කර, හත්තිලව්වේ! 🤦 උඹ හොයන්නෙ මැණිකක් ද ??? 🙄 හරි මද්දහනෙ, 🌤️ සීරුවෙන්, හිටගනින් පොළොවෙ...🤦 උඹ ඉඳීවි... ඇඩිනීන් - තයිමීන්, ගුඇනීන් - සයිටොසීන්... එක දඟරෙට එතිච්ච... ඩිඔක්සී රයිබෝ නියුක්ලික් අම්ල අණුවලින්, ගෑවිච්ච ගෑවිච්ච තැන් වල...😊 පින ම ප්‍රවේණිගත වෙච්ච 🙏 මේ සක්වල කොහෙ කැන්නත්, හොයාගන්න බැරි, දුර්ලභම මැණිකක හෙවනැල්ල උඩ 😍 ඉතිං... ඊට වඩා... 🙄 පසිංගල්, පද්මරාග, නිල් කුරුවින්ද, රතු කැට, දියමන්ති, කෝමද වටින්නෙ 😍 මැණික 🤔💎 . © විලෝචනා අබේකෝන්

...::: දේව ධූතය :::...

💛
දේව ධූතය...
ආපෝ තේජෝ වායෝ පඨවි ආකාස අතැර,
විඤ්ඤාණයට පෙම් බඳින,
සාංසාරික පෙම්වත...
නුඹ ලෝචන කර්ණ ලවන් කේෂ ඡවි,
මා මසැස චුම්බක සේ අදින...
කුසලාකුසල ශක්තීන් සමව වැඩූ,
සම ධාතුව...
මා අකුශලයකින් පසු බැස,
නුඹ කුශලයම වඩා,
මා මනු ලොව දමා යන්නට වූ නියා,
ළඟ ළඟ බැව් අතලොස්සක වූ,
පිය විප්පයෝගයෙන්ම වීර්‍යය වඩන...
බ්‍රහ්මචාරී පෙම්වත...
මා අකුසල් අහෝසි කරවන්නට,
නුඹටම දොස් පවරාගන්න,
ධාතු ඇසුරේ සිසිලසින් වෙසෙන,
දුටත් සිත් පහන් කරවන සුලු,
මනු ලොවට නොඋරුම,
සොලොසාසංඛ්‍ය කල්ප ලක්ශයකින්,
පංච මහා බූතයෙන් විඤ්ඤාණයට,
සදාතනිකව සමුදෙන්නට,
පාරමී පුරන...
නුඹේ ආර්‍ය මග ගන්නට,
නීවරණයන් දුරලන්නට,
සසංකාරික චෛතසික,
අසංකාරිකව,
ස්වයං අනුභූතියෙන් අවබෝධ කර,
සීලයේ පිහිටුවන්නටම වෙර අදින,
අර්ථඛ්‍යායි පෙම්වත...
.
© විලෝචනා අබේකෝන්

...::: පින් විමන :::...

🙏 🙏🙏
.
සිසිලස යස මනස සුවපත් කරනු රිසී
දෙව් නා රැකවලුන් මැද පින් විමන දිසී
එහි වැඩු බවුන් අදිටන විවරණ සදිසී
ඉඟියක් විලස මල් වරුසා කෙමෙන් වසී
.
© විලෝචනා අබේකෝන්